Uned Benthyca Arian Anghyfreithlon Cymru

Mae Uned Benthyca Arian Anghyfreithlon Cymru (UBAAC) yn targedu benthycwyr arian anghyfreithlon, a adwaenir yn fwy cyffredin dan eu henw Saesneg 'loan sharks' (neu fenthycwyr arian didrwydded yn Gymraeg). 

Rydym yn un o dri thîm cenedlaethol (Cymru, Lloegr a’r Alban) ac yn cael ein hariannu gan yr Awdurdod Ymddygiad Ariannol. Rydym yn gweithio mewn partneriaeth ag awdurdodau Safonau Masnach lleol.

Rydym yn ymchwilio i fenthyca arian anghyfreithlon ac unrhyw droseddau cysylltiedig, yn ogystal â chefnogi dioddefwyr benthycwyr arian didrwydded. Gall benthycwyr arian didrwydded fod yn fân fenthycwyr sy’n manteisio ar ffrindiau neu aelodau’r teulu, ond weithiau maent yn droseddwyr treisgar a threfnus.

Gallwch ymweld â'n gwefan newydd Atal Siarcod Benthyg Arian Cymru drwy glicio yma

Mae’r tîm yn cynnwys ymchwilwyr arbenigol a swyddogion cymorth i ddioddefwyr; ein prif flaenoriaeth yw diogelwch a lles y dioddefwyr.Mae benthyca anghyfreithlon (benthyca heb drwydded) yn drosedd. Mae benthycwyr arian anghyfreithlon yn gweithredu heb awdurdod cyfreithiol ac yn aml maent yn targedu pobl sy'n agored i niwed. 

Beth yw Benthyciwr Arian Didrwydded?

Mae benthyciwr arian didrwydded yn unrhyw un sy’n benthyca arian heb yr awdurdod cyfreithiol angenrheidiol ac sy’n codi llog ar ben y benthyciad (mewn geiriau eraill maent yn benthyca arian ac yn disgwyl i unigolion dalu mwyn yn ôl na’r hyn a fenthycwyd.)

Mae benthycwyr arian didrwydded yn gweithredu mewn sawl ffordd wahanol. Un o’r mathau mwyaf cyffredin o fenthyca anghyfreithlon rydym wedi ymchwilio iddynt yw pan fo benthyciwr yn cymryd mantais ar ei ffrindiau ac aelodau ei deulu trwy roi benthyg arian ac yna mynnu ad-daliadau.

Ymhlith y mathau eraill o fenthycwyr rydym wedi ymchwilio iddynt mae landlordiaid twyllodrus, cyflogwyr twyllodrus, dryswyr tafarnau’n rhoi benthyg i gwsmeriaid, benthyca ymhlith cydweithwyr, a hyd yn oed benthyca ymhlith aelodau grŵp eglwys.

Pethau i chwilio amdanynt:

Hyfforddiant

Mae UBAAC yn cynnig hyfforddiant am ddim i weithwyr cymorth rheng flaen er mwyn eu helpu i adnabod gweithgarwch benthycwyr arian didrwydded a’r arwyddion bod cleientiaid yn ddioddefwyr – yn benodol os ydynt yn agored i niwed. Gellir addasu’r hyfforddiant ar gyfer staff/gwirfoddolwyr y Cyngor, cymdeithasau tai a sefydliadau cynghori.  

Fel arfer bydd sesiynau’n para rhwng awr ac awr a hanner ac maent am ddim. Gallwn gynnig sesiynau byrrach os bydd prinder amser. Rydym yn hyblyg yn y ffordd gallwn ddarparu’r hyfforddiant - er enghraifft, gallwn gynnig cyfres o sesiynau dros nifer o ddiwrnodau. 

Erbyn diwedd yr hyfforddiant, bydd y cyfranogwyr ynmeddu ar ymwybyddiaeth ehangach o effaith benthyca arian anghyfreithlon ar bobl sy’n agored i niwed; gallu ceisio cymorth a chyngor arbenigol; bod yn hyderus wrth adnabod yr arwyddion bod cleientiaid wedi’u targedu gan fenthycwyr arian didrwydded.

I gysylltu â ni ynglŷn â hyfforddiant, ffoniwch 029 2087 1090

Gwersi am gadw ein harian yn ddiogel – Adnoddau i Athrawon

Trwy ddefnyddio arian a atafaelwyd o fenthycwyr arian didrwydded, rydym wedi datblygu adnodd addysgol ardderchog. Gyda chyfraniad gweithwyr proffesiynol addysgol, rydym wedi llunio cynlluniau gwersi (gan gynnwys deunydd fideo) i athrawon er mwyn helpu i hyrwyddo gallu ariannol a gwella sgiliau rheoli arian ymhlith pobl ifanc. 

Mae’r deunyddiau’n cyfrannu at amrywiaeth o feysydd y cwricwlwm, megis Mathemateg, Saesneg, ABGI, Drama, Celf a Dylunio ac yn darparu ar gyfer pob cyfnod allweddol. Mae ganddynt farc safon pfeg ac maent hefyd yn cyflawni llawer o amcanion dysgu craidd o’r fframweithiau cynlluniau cynradd ac uwchradd pfeg gan gynnwys:

I ysgolion cynradd: gwersi am gadw’ch arian yn ddiogel, o ble daw arian a’r gwahaniaeth rhwng angen ac eisiau. Mae hefyd yn cyflwyno’r syniad o gynilo ac yn ystyried materion ynglŷn â chael a rhoi benthyg eiddo ac arian.

I ysgolion uwchradd: gwersi am roi a chael benthyg yn fwy diogel sy’n adlewyrchu amcanion gallu ariannol allweddol ynglŷn â phryd a sut i fenthyca, gwerthoedd sy’n gysylltiedig ag arian, cynilo a’r hyn a allai fynd o’i le os nad ydych yn gwneud y dewis iawn. Ceir gwersi am gredyd, chwilio am y fargen orau o ran credyd a pheryglon benthyca gan fenthycwyr arian didrwydded.

Deall benthyca arian yng Nghymru

Yn wreiddiol, comisiynodd Cyngor Bro Morgannwg Wordnerds i'w helpu i ddeall tirwedd benthyca arian ar-lein yng Nghymru, er mwyn:

• gwerthfawrogi maint y broblem
• addysgu pobl am yr hyn sy'n digwydd
• deall beth mae pobl yn ei wneud pan maen nhw'n chwilio am fenthyciadau bach

Gellir gweld yr adroddiad llawn gan Wordnerds yma.